s’thwathwa

Francis Grobler

Afrikaanse digbundel

Description

Waarskynlik dié mees intense versameling gedigte uit die pen van Grobler wat behoorlik hulle ink werd is. Die leser laat 90 kragtige, diepsinnige boodskappe en kopskilderye in die midde van die leser.

Hierdie unieke bundel debatteer geheimenisse en ontbloot die intriges en vraagtekens van elke faset van die lewe, tot op die been. Getrou aan die digter se vrygees-woordkuns is s’thwathwa weereens die voortreflike vrug van ’n vrydenker. Op haar geboortedag word die digter deur die Zoeloes vernoem na ’n swartryp-frats wat die omgewing tref. Sy word s’thwathwa (Isithwathwa), wat ryp of ys beteken – die titel van hierdie bundel. Soos in Grobler se vroeëre werke en as kind van die aarde, word haar intense band met die natuur steeds die basis waarop sommige van haar werke staan.



Grobler se debuutbundel, pyltjies innie sand word vrygestel in 2007. Daaropvolgende werke sluit in duskant annerkant, Wie Ore Het en aard. ’n Versameling van Grobler se ander werke word vervat in die omnibusse Vier Seisoene; Dissekteer die Reënboog en Die Tiende Provinsie. Van haar gedigte verskyn ook op die webwerf van DeKAT-tydskrif.

In Grobler se mees onlangse werke en met die ondersteuning van bekende name in die musiekbedryf, word poësie, beelde en musiek meesterlik vervleg tot kragtige vlerke met intense boodskappe. Verskeie woordkuns-en-musiekvideo’s is deel van haar vindingryke penvrugte. Haar nuutste bundel s’thwathwa is ’n versameling intense gedigte wat behoorlik hulle ink werd is. “Want dit is wat dit is.” Só sê sy.


Hierdie bundel is binnekort beskikbaar deur Piquet Books en/of deur die skrywer self. Dit behoort teen ongeveer 14 Februarie 2019 beskikbaar te wees. Indien jy belangstel om dit te bekom, stuur solank ’n epos aan info@piquetbooks.com. Die prys is R100 per bundel (PFD).


Facebook: Francis G-digte; Francis Steyn Grobler.

E-posadres: francis.grobler@telkomsa.net

YouTube-skakels: Engel by Bethesda (Cheree); Kragtens die wet op Swye (Cheree); Saartjie (Jaco Blomerus); Versmakers (Cheree); Liewe Boer (Cheree).



Facebook Posts

16 hours ago

Francis G-digte

♥️☮🔅Namasté😉 ... See MoreSee Less

View on Facebook

2 days ago

Francis G-digte

♥️🔅☮ ... See MoreSee Less

View on Facebook

2 days ago

Francis G-digte

lê my teen die reën

lê my teen die reën vannag –
lê my teen die reën

en laat my knieë optrek teen my bors
dat ek jou kan beduie aan die nag
wat so deurskynend brand stig
in die braambos van my hart

ag was jy ‘n vertelde
of ‘n fabel
of ‘n vreemde
of ‘n vêraf kontinent

maar kyk hoe breek die sonne uit jou keel
en kyk hoe breed word die seisoene
as jou naam in kruise teen die hemel brand

ek’t nooit geweet dat reën
nie nét uit somers hang nie
want die sterre het jou verduidelik
lank voor daar gisters
of die wêreld ‘n spul bybels was

ek sal jou dra
in die wig van my bors
soos ‘n klein verbond
en my asem sal soos spookskrif
in my kuiltjie hang

en as die elims uit jou iris val (soos vandag)
sal ek jou van voor-af indig teen die Lig
sodat die lammers deurnag slaap

en sal ek vir jou tempels op my hande bou
en seders en soetriet in die vleie plant
ek sal brood los by die kritte van jou kop
in die wieg van ‘n ou-ou testament

maar vir eers
sal ek vere voor my vensters hou
sodat geen wiggelaar of war
die sugte uit die some van my kyk kan skeur
of my oë in bystellings aan die wêreld smous nie

lê my teen die reën vannag -
lê my teen die reën

laat my sterf
en vir drie dae bly
soos Jesus en jona en jy

want jy sal weer soos wierook ruik – en ek soos gras
soos toe my mond ‘n bietjie sagter was

fg2019©
... See MoreSee Less

View on Facebook

2 days ago

Francis G-digte

word golwe eers branders as dit breek?

wat sukkel my hande so?
en hoor hoe sleep my tong
kyk hoe wankel my woorde
en kyk hoe stotter my strofes in hul staan

hoor hoe val my verse oor hul voete
of is dit net die aarde wat roggel?
sý wat eens so sorgsaam was

kyk hoe sit die ink in die hoeke van my mond
en voel hoe dun word die drakrag
van dig in hierdie plek

ek wonder hoeveel dele droef ‘n sonsak bed-toe dra
en hoe ver liefde buig voor dit skeur?
want kyk hoe krom trek die maan vanaand

of word golwe eers branders as dit breek?

fg2019©
... See MoreSee Less

View on Facebook

6 days ago

Francis G-digte

☮♥️🔆 ... See MoreSee Less

View on Facebook




Bonsai – The Strangler Phenomenon /// I am still here /// Ek is nog hier

The Western Breeze

All Titles – Directory /// Showcase /// Free Reads

Piquet Books Facebook Page


VPH Films Promotional Video:

Reviews

There are no reviews yet.

Be the first to review “s’thwathwa”

Your email address will not be published. Required fields are marked *