AARD

aard

R150.00

e-Boek (pdf formaat)

Grobler is ’n vrygees digter. Haar mees onlangse kunswerk is die digbundel ‘aard’, wat pas vrygestel is en voorwaar ’n unieke samestelling en produk is van woordkuns wat vlerke kry, waar twee kunsvorme meesterlik vervleg.

Die bundel sluit ’n CD met 22 snitte uit uiteenlopende genres in en word deur Wynand & Cheree Stydom en Jaco Blomerus gesing. Die snitte is opgeneem, gemeng en gemeester deur onderskeidelik Wouter van de Venter van Fine Tune Studio’s en Douw Steyn van SON Recordings. Verame toonsetters en kunstenaars onder andere Clinton Zerf, Jaco Blomerus, Tony Ridgway (Rocking Horse Music), Cheree Strydom (Fine Tune Studio’s / Vonk Musiek) en Wouter van de Venter het deel gehad aan die verwerkings van hierdie uitsonderlike album. Musikante Mauritz Lotz, Denny Lalouette, David Klassen, Miro Chakaryan, Evert Snyman, Jean-Louise Moolman, Brian Smith, Philip Cox, Jaco Blomerus, Douw Steyn, Clinton Zerf, Tony Drake en Wouter van de Venter het die instrumentale uitvoerings in die snitte behartig.

Kenmerkend van Grobler se werk is haar hoorletterlose skryfstyl en volgens haar is aard:“steeds onopgesmuk, doodgewoon en hoofletterloos. onverdiend gebore in skedelgange, tussen mos, seisoene en onweerlegbaarhede van lyf, siel, gees en kop – die outeur daarvan. want die lewe gebeur soos dit gebeur. in verganklikheid opgedra aan die onverganklike waarheid wat ruik soos reën en my mense – want dis al wat tel in hierdie asem wat ons die lewe noem”.
Haar debuutbundel, pyltjies innie sand is in 2007 deur Griffel Media vrygestel en sluit ’n CD met 16 snitte in. Daaropvolgende werke sluit in duskant annerkant, ’n digbundel wat in 2009 vrygestel is deur Piquet Publishers; 16 van hierdie gedigte is deur Tony Ridgeway getoonset en gesing deur Wynand Strydom.

’n Boek met die titel wie ore het, is in 2011 gepubliseer en handel oor die Bybelboek, Openbaring, wat in verstaanbare kindertaal geskryf word. ’n Versameling van Grobler se werke verskyn in die omnibusse Vier Seisoene en Dissekteer die Reënboog wat deur Mar-leo publiseerders vrygestel word asook ’n kortverhaal in Die Tiende Provinsie.

Youtube video van Engel by Betesda: https://wwwyoutube.com/watch?v=BKdDsbspxm8
Facebook Blad: https://www.facebook.com/francisgroblerdigter
Vir meer inligting, promosies, onderhoude, foto’s en snitte, kontak:
Anita van de Venter | anita@bluedivision.co.za | 076 486 5050
http://www.bluedivision.co.za
LET WEL: Ook beskikbaar in Kindle-weergawe op Amazon.com